इंडियन प्रीमियर लीगमध्ये लखनौ सुपर जायंट्स आणि चेन्नई सुपर किंग्ज यांच्यात सामना झाला. लखनौ सुपर जायंट्स संघाने हा सामना मोठ्या सहजतेने जिंकला. लखनौने हा सामना 8 विकेटने जिंकला. सलग दोन सामने गमावल्यानंतर लखनौ सुपर जायंट्स संघ विजयी मार्गावर परतला आहे. त्यांनी आता घरच्या मैदानावर खेळलेल्या चारपैकी तीन सामने जिंकले आहेत. या विजयासह लखनौचा संघ चेन्नई सुपर किंग्जच्या पुढे गेला आहे. आयपीएलच्या इतिहासात आता दोन्ही संघ एकमेकांविरुद्ध चार सामने खेळले आहेत. जिथे लखनौने दोन सामने जिंकले आहेत तर चेन्नईने एक सामना जिंकला आहे.
कसा झाला सामना?
या सामन्यात लखनौसाठी गोलंदाजांव्यतिरिक्त सलामीच्या फलंदाजांनीही चमकदार कामगिरी केली. केएल राहुल आणि क्विंटन डी कॉक यांनी पहिल्या विकेटसाठी शतकी भागीदारी केली, ज्यामुळे त्यांच्या संघाने सुरुवातीपासूनच चेन्नईवर दबाव कायम ठेवला गेला आणि त्यांना एकदाही सामन्यात पुनरागमन करण्याची संधी दिली नाही. चेन्नईविरुद्ध लखनऊच्या विजयाबद्दल बोलायचे झाले तर, या सामन्यात लखनऊ सुपर जायंट्स केएल राहुलने नाणेफेक जिंकून प्रथम गोलंदाजी करण्याचा निर्णय घेतला. यानंतर प्रथम फलंदाजी करण्यासाठी आलेल्या चेन्नई सुपर किंग्ज संघाने निर्धारित 20 षटकांत 6 गडी गमावून 176 धावा केल्या.
यादरम्यान चेन्नईकडून रवींद्र जडेजाने सर्वाधिक 57 धावा केल्या, तर एमएस धोनीने डावाच्या शेवटच्या काही षटकांमध्ये अवघ्या 9 चेंडूत 28 धावा केल्या आणि संघाचा डाव शानदार पद्धतीने पूर्ण केला. या दोन फलंदाजांशिवाय अजिंक्य रहाणेने 24 चेंडूत 36 आणि मोईन अलीने 20 चेंडूत 30 धावा केल्या. लखनौतर्फे कृणाल पांड्याने 3 षटकांत 16 धावा देत 2 बळी घेतले, तर महसीन खान, यश ठाकूर, रवी बिश्नोई आणि मार्कस स्टॉइनिस यांना प्रत्येकी एक विकेट मिळाली.
धावांचा पाठलाग करताना सलामीवीरांची अप्रतिम कामगिरी
हा सामना जिंकण्यासाठी चेन्नई सुपर किंग्जने लखनौ सुपर जायंट्सला १७७ धावांचे लक्ष्य दिले होते. ही एक सन्माननीय धावसंख्या होती, परंतु लखनौचे सलामीवीर केएल राहुल आणि क्विंटन डी कॉक यांनी संघाला चांगली सुरुवात करून दिली. दोन्ही फलंदाजांमध्ये पहिल्या विकेटसाठी 134 धावांची भागीदारी झाली. या दोघांच्या भागीदारीने संघासाठी जवळपास सर्वच काम केले. यादरम्यान केएल राहुलने 53 चेंडूत 82 आणि क्विंटन डी कॉकने 43 चेंडूत 54 धावा केल्या. शेवटी निकोलस पूरन आणि मार्कस स्टॉइनिस यांनी सामना संपवला. या सामन्यात लखनौने 19 षटकात 2 गडी गमावून 180 धावा केल्या आणि सामना 8 विकेटने जिंकला. या सामन्यात चेन्नईकडून मुस्तफिजुर रहमान आणि मथिशा पाथिराना यांनी प्रत्येकी एक विकेट घेतली. चेन्नईचा संघ अजूनही गुणतालिकेत तिसऱ्या स्थानावर कायम आहे. तर लखनौचा संघ पाचव्या क्रमांकावर आहे.
