शिवसेना उद्धव बाळासाहेब ठाकरे पक्षाची पहिली उमेदवार यादी जाहीर : महाराष्ट्र विधानसभा निवडणूक 2024

पहिली यादी जाहीर: ६५ उमेदवारांची नावे जाहिर

उद्धव ठाकरेंच्या शिवसेनेने उमेदवारांची पहिली यादी जाहीर केली आहे. पहिल्या यादीतून त्यांनी ६५ उमेदवारांची नावे जाहीर केली आहेत. अनेक नव्या आणि जुन्या नावानं यामध्ये संधी देण्यात आली आहे. शिवसेनेतील बंडखोरीनंतर शिवसेना उद्धव बाळासाहेब ठाकरे पक्षातून कोणाला संधी मिळणार हा प्रश्न होता.

एकनाथ शिंदेंविरोधात केदार दिघे

२००९ पासून कोपरी पाचपाखाडीतून एकनाथ शिंदे हेच आमदार आहेत. एकनाथ शिंदेंविरोधात महाविकास आघाडीतून कोणाला उमेदवारी मिळणार याकडे सर्वांचं लक्ष होतं. उद्धव ठाकरे यांनी हुक्कमी एक्का धर्मवीर आनंद दिघे यांचे पुतणे केदार दिघे यांना उभे केला आहे.

कोणाला कुठून मिळाली उमेदवारी?

राज्यात झालेल्या फोडाफोडीनंतर जनतेचं कौल कोणाच्या बाजूने आहे, हे ठरवणारी ही निवडणूक असल्याचे म्हटले जात आहे. महाविकास आघाडीमधून ठाकरेंच्या शिवसेनेने आपली यादी जाहीर केली आहे.